இன்றைய கவிதைக்காரன்

'முன்னேறிச் செல்ல
முழுப் பாதை தெரிய வேண்டும்'
சின்னச் சின்ன வரிகளாய்
அறிவுரைகளாய் கவிதை எழுதுவார் அவர்
வார்த்தைகளை மாற்றி மாற்றி
மாற்றி வைத்து
வித்தை புரிவார் இன்னொருவர்
ராஜ ராகங்களிலும்
சோகச் சுற்றுலாக்களிலும்
தொலைந்து விடுவார் சிலர்
ஞாபகச் செதில் மன அடுக்கு
என எழுதுவார் இவர்
கிண்டல் செய்து தடாலடி
கவிதை எழுதுவதே மற்றொருவரின் பாணி
இல்லாத பேரர்த்தத்தை
இருப்பதைப் போல் பாவனை
செய்வார் பிறிதொருவர்
ஒவ்வொன்றாய்ப் படித்து
ஒவ்வொன்றாய் எழுதி
எப்படி முன்னேற
இன்றைய கவிதைக் காரன்