காமக் கதைகள் 45 (2)

அது என்ன 69.? இது கதையல்ல நிலை என நிறைய பேர் சொல்லியிருந்தார்கள். காரணம் இருக்கிறது.

அதீதனும் நம் எல்லோரையும் போல் தான் 23 வயது வரை இருந்தான். கடுமையான பாலியல் வறட்சி. அதுவும் இந்த 18 வயதிலிருந்து படும் கஷ்டம் இருக்கிறதே.. மற்றதெல்லாம் வழிந்து போய் மூளையெங்கும் காமமே நிறைந்திருக்கும். நாளெல்லாம் காமச் சிந்தனைகளே. கண்ணில் படும் பெண்களை இழுத்துப் போட்டுப் படுக்கலாமா என இருக்கும்.

நடப்பில் இல்லாத போது நினைப்பில்.

அவனுக்கு மனதிற்குள் காமத்தை அசை போட பிடித்த நிலை 69.

முதல் காதலைப் போல் முதல் காமமும் வாழ்க்கை முழுவதும் மறக்க முடியாதது. அப்போது அவனுக்கு வயது 23. அவள் வயது 45. ஒரு சாதாரண வேலை, நியமம் போல் வாழ்க்கை என இருந்தவனின் உலகத்தைப் பூரிப்பாக்கினாள் அவள். நிருபமா. அவளைக் காதலித்தது சரியாக 6 மாதம் 3 நாட்கள். அவள் தான் காம ஆசிரியை அவனுக்கு.

முதல் அனுபவத்தின் போது தான் புரிந்துகொண்டான், பார்ப்பது, படிப்பது, நினைப்பது வேறு, நிஜத்தில் வேறு என்று. அவனுக்கு 69ல் சுவையே இல்லை !

நிருபமா தொலைகாட்சி நடிகை. ஒரு நாள் தொலைபேசியில் அவள் நடிப்பை நார் நாயாய்க் கிழித்து விமர்சித்தான். அவள் நேரில் வரச் சொன்னாள். சென்றான். அவள் நடித்திருந்ததில் அவளுக்குப் பிடித்த கேசட் ஒன்றைக் கொடுத்துப் பார்க்கச் சொன்னாள். ஆகச் சிறந்ததாக இருந்தது அவள் நடிப்பு அதில். நான்கு பக்க விமர்சனக் கடிதம் எழுதினான் அவளுக்கு. பிறகு... பேசிப் பழகினார்கள். அவள் வெளியூர் சென்றிருந்தபோது தொலைபேசியிலும் பேசினார்கள். பற்றிக் கொண்டது நெருப்பு. புரிந்துகொண்டான், அவளைக் காதலிப்பதாய். ஆனால் முதலில் காதலைச் சொன்னது அவள்தான்.

பெரும்பாலான காதலிகள் அவர்களாகவே முதலில் காதலைத் தெரிவித்திருக்கிறார்கள். போலவே, அவர்களாகவே செக்ஸ் வைத்துக் கொள்ள ஏற்பாடும் செய்திருக்கிறார்கள் - அதிசயம்தான் என நினைத்துக் கொண்டேன். அதீதனுக்கு எங்காவது மச்சமிருக்குமோ?

திருநெல்வேலியில் உயர்தர விடுதியொன்றில் நிறைவேறியது அவனது காம இச்சைகள். தொட்டுத் தடவி சூடேற்றி, ஆரம்பித்தவுடனேயே எல்லாம் முடிந்து போனது. ஏமாற்றம். மறுபடி மறுபடி முயல, இயலாமல் போனது அவனது உடல்.

சென்னை திரும்பியதும் ஏமாற்றம் தாளாமல் ஒரு கவிதை எழுதி வைத்துவிட்டு சாகப் போனான்.

இப்படி என் முதல் அனுபவமும் உன் இரண்டாவது கதையும் தோல்வியில் முடிவது சோகமானதுதான் என்றான் அதீதன்.