துரத்துதல்

சிறு வயது நண்பன் செழியன்
இப்போது பணத்தைத் துரத்துகிறான்
வித்தியாசமாக இருக்க நினைக்கும்
பல்லவன் துரத்தித் துரத்திப் படிக்கிறான்
காணக் கிடைக்காத புத்தகங்களை
வெண்திரை பிம்பங்களைத் துரத்திய குமார்
இப்போது பத்துக்கு எட்டு அறையில்
தொலைக்காட்சியின் வீச்சில் சிக்கிக் கிடக்கிறான்
இவ்வளவு வயதிற்கு இது தேவையா
எனும் அளவிற்குப் பெண்களைத்
துரத்துகிறான் குலோத்துங்கன்
போதையைத் துரத்தும் சங்கருக்கும்
புகழைத் துரத்தும் மாரியப்பனுக்கும்
இப்போது நேரமே இருப்பதில்லை
எதையாவது துரத்துவது போலவாவது
இருந்தால் நன்றாகத்தான் இருக்கும் போல